Akkamittin dagadha jettee yaaddee

As qabee achi qabee ol fiigee gad fiigee muummee meeqa labee
Dafqee xuruurfadhee foonni koo bututee lafeedha itti cabee

Gammojjii ho’aan guutuu aduu saafaa keessa bara hongee jooree
Aduun na laabbessee dheebuun na gaggabsee hidhiin koo qoqqoree

Homaa hin buufanne kaadhee lo’ee konkolaadhee ofiin qiilleensa abootee
Dheebuu hin baanee miirrii koo quufee cirriqfatee jiras ammas dheebotee.Akkamittin dagadha jettee yaaddee

Inuman kurkuraa dhiitee yoo bariituu
gannas yooman ciisee xaxadhee
Yooman taa’e ol galee
harka koo maradhee qorraaf dhoqqeesaa baqadhee

Dhoqqee jilbaan ga’ee tirtiraan qoramaa qorraan waxalamaa
Saphaphuu irra ejjedhee kufee lafa nyaachaa dacheen kabalamaa

Ilaalcha koo jalaa argaa koo miliqee laaqii keessa dhokatee
Qoreen hadhaa qabuu abbaan arfii torbaa faana na tumatee

Madaansaa kulkulee bulee bishaan naqee utuu matarraatti na nyaatuu
Mudaammuddii na dhiiteesse miilla qaratti gogsee deemsa na dhowwatuu

Ciisee yeelalurra jedhee utuu qurxumsee na nyaatuu ittumaan tirachaa
Tabba ba’aa irran gadee bu’ee gaaraatti foqoqaaa akkasumas dachaa

Mannaggachuu koo cimsee ittuman fufee
Dhukkubbiidhan aadaa ijoo meeqa lufee

Ta’ee utuu jiruu yoom ta’e akkan hawwee
Qaawwan koo calchisee ammaas itti qaawwee

Barii sagee innan duuche iddoo afaan banuu
Hin duudne afaan bana galgalas yoon galuu

Isan bona saafaa keessa daafuraa jijjigsee
Citaa barbaachaf qaama koo of dhiigsee

Dafqa itti coccobsee kattarraa foqoqaa
Gorgubbeen gubadhee falaxaan of hooqaa

Tulluu qaari’ee laga meeqa ce’ee
Gufadhee kufee gogaadha qunca’ee

Ganna as deemuf dura of qopheessee
Dhimmuu ofirraa kutuuf lubbutti of murteesse. Akkamittin dagadha jettee yaaddee

Akkuma akka isaatti citaan guuree kana bantii mana korra tuule
Qaqawwee dhaga’ee bokkaa dhufu dheessuf mana kotti ol galee

bokkaa yandii qaxxamuuree qileensi hamaan mana kootti duulee
aakka hin jirree godhee iddoodha ballesse xiqqoollee na hin illee

….itti fufa DabalaHttpsorobest.com